પૌત્ર સાથે દૂધ ભરાવવા જઈ રહેલા દાદાને કારે ફૂટબોલની જેમ ઉછાળ્યા, દીકરીની નજર સામે જ પિતા-ભત્રીજાનાં મોત
રાજ્યમાં બેદરકારીપૂર્વક વાહનો હંકારવાને કારણે અકસ્માતોની સંખ્યામાં વધારો થઈ રહ્યો છે, જેમાં અનેક ના પરિવાર વિખેરાઈ રહ્યા છે. આવો જ એક અકસ્માત થયો છે
બનાસકાંઠામાં અમીરગઢના રામજિયાણી પાટિયા પાસેના જ્યાં દાદા અને બે પૌત્ર દૂધ ભરાવા જતા હતા. ત્યારે પૂરઝડપે આવતી એક કારે ત્રણેયને ફૂટબોલની જેમ ઉછાળતાં દાદા અને એક પૌત્રનું મોત થયું છે, જ્યારે એક પૌત્ર હોસ્પિટલમાં જીવનમરણ વચ્ચે ઝોલાં ખાઇ રહ્યો છે.દાદા અને બે પૌત્ર દૂધ ભરાવા ઘરેથી નીકળ્યા હતા, ત્યારે નેશનલ પાલનપુર આબુરોડ હાઇવે ક્રોસ કરે એ પહેલા ગાડી જોઈ સાઈડમાં ઊભા રહ્યા હતા, પરંતુ રાજસ્થાન તરફથી પૂરઝડપે આવી રહેલી એક કારે દાદા અને બંને પૌત્રને ધડાકાભેર ટક્કર મારી હતી. ટક્કર મારતાંની સાથે જ ત્રણેયને ગંભીર ઇજાઓ પહોંચતાં બેનાં મોત નીપજ્યાં હતાં અને એક બાળક ગંભીર રીતે ઘાયલ થતાં સ્થાનિકો દ્વારા તેને સારવાર અર્થ હોસ્પિટલ ખસેડવામાં આવ્યું છે. બનાવના પગલે આજુબાજુના લોકો ઘટનાસ્થળ પર દોડી પહોંચી પોલીસને જાણ કરી હતી. પોલીસે તત્કાલિક ઘટનાસ્થળે પહોંચી આગળની તપાસ હાથ ધરી છે.
Post a Comment