દિલ્હીના કોચિંગ સેન્ટરમાં ભીષણ આગ : કોચિંગ સેન્ટરમાં અભ્યાસ કરતા વિદ્યાર્થીઓએ છત પરથી કૂદીને પોતાનો જીવ બચાવ્યો, તમામ વિદ્યાર્થીઓ સુરક્ષિત
.jpg)
દિલ્હીના મુખર્જી નગરમાં સંસ્કૃતિ કોચિંગ સેન્ટરમાં આગ લાગતા હોબાળો મચી ગયો છે. કોચિંગ સેન્ટરમાં અભ્યાસ કરતા વિદ્યાર્થીઓએ છત પરથી કૂદીને પોતાનો જીવ બચાવ્યો હતો. આ સાથે આગને કાબૂમાં લેવા માટે 11 ફાયર ટેન્ડર ઘટનાસ્થળે પહોંચી ગયા હતા અને દોરડાની મદદથી બચાવ કામગીરી હાથ ધરવામાં આવી હતી.
મુખર્જી નગરમાં સંસ્કૃતિ કોચિંગ સેન્ટરમાં આગની આ સમગ્ર ઘટનાનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં જોઈ શકાય છે કે કેવી રીતે કોચિંગ સેન્ટરના વિદ્યાર્થીઓ ત્રીજા માળેથી દોરડા પરથી નીચે કૂદી રહ્યા છે. તે જ સમયે, ફાયર વિભાગ પણ સ્થળ પર પહોંચી અને વિદ્યાર્થીઓને બચાવ્યા અને જણાવ્યું કે તમામ વિદ્યાર્થીઓ સુરક્ષિત છે. મળતી માહિતી અનુસાર આગ ત્રીજા માળે ઇલેક્ટ્રિક મીટરમાં લાગી હતી. જો કે આગ મોટી ન હતી પરંતુ ધુમાડાના ગોટેગોટા નીકળ્યા બાદ બાળકો ગભરાઈ ગયા હતા અને પાછળના રસ્તેથી ઈમારતમાંથી નીચે આવવા લાગ્યા હતા. વિદ્યાર્થીઓ દોરડાની મદદથી બિલ્ડિંગમાંથી નીચે ઉતર્યા હતા. આ દરમિયાન 3-4 વિદ્યાર્થીઓ ઘાયલ પણ થયા હતા. તેમને સારવાર માટે એમ્બુલેંસથી હોસ્પિટલ મોકલવામાં આવ્યા છે. કોચિંગ સેન્ટરમાં લાગેલ આગ પર કાબૂ મેળવી લીધો છે. ફાયરબ્રિગેડની 11 ગાડીઓની મદદથી આગ પર કાબૂ મેળવવામાં આવ્યું હતું
Post a Comment