પાલનપુર ACBની ટીમે સમાજ કલ્યાણ અધિકારીને રૂપિયા 10 હજારની લાંચ લેતા રંગેહાથ ઝડપ્યો

પાલનપુર ACBની ટીમે સમાજ કલ્યાણ અધિકારીને રૂપિયા 10 હજારની લાંચ લેતા રંગેહાથ ઝડપ્યો

પાલનપુર ACBની ટીમે સમાજ કલ્યાણ અધિકારીને રૂ.10 હજારની લાંચ લેતા ઝડપ્યો. સમાજ કલ્યાણ અધિકારી અમિત પટેલે ગ્રાન્ટેડ છાત્રાલયમાં સરકાર તરફથી મળતી ગ્રાન્ટ કોઈપણ ખામી કાઢ્યા વગર પાસ કરાવવા અરજદાર પાસેથી રૂ.10હજારની માંગણી કરી હતી.

બનાસકાંઠા જિલ્લામાં ફરી એકવાર લાંચિયો અધિકારી ACBના રંગે હાથ ઝડપાયો છે. જેમાં સરકારી ગ્રાન્ટેડ છાત્રાલય ચલાવતા અરજદાર કામે સરકાર તરફથી મળતી છાત્રોના નિભાવની સરકારી ગ્રાન્ટ પાસ કરવાના તેમજ કોઈ ખામીઓ ન કાઢી ગ્રાન્ટ મંજૂર કરવા સારુ આક્ષેપીતે રૂ.10 હજારની લાંચની સમાજ કલ્યાણ અધિકારી અમિત પટેલે માંગતા જે બાબતે અરજદારે પાલનપુર ACB કચેરીનો સંપર્ક કરી જે લાંચની રકમ અરજદાર આપવા માંગતા ન હતા. જેથી ACB ને જાણ કરતા ACB પાલનપુર દ્વારા થરાદ ચાર રસ્તા ભાભર રોડ પર લાંચનું છટકુ ગોઠવતાં આક્ષેપીતે ફરીયાદી સાથે વાતચીત કરી 10 હજાર લાંચ પેટે સ્વીકારતા સમાજ કલ્યાણના અધિકારી અમિત પટેલન રંગે હાથ ઝડપાઈ આવ્યો હતો. જેથી N.A. ચૌધરી,પોલીસ ઇન્સ્પેકટર ACB. પાલનપુર સમાજ કલ્યાણ અધિકારી અમિત પટેલ અટકાયત કરી વધુ તપાસ હાથ ધરી છે.