માળીયામિંયાણાના મહેન્દ્રગઢ ફગસીયા ગામ નજીક મચ્છુ નદીમાં ધમધમતી મોટાપાયે ખનીજચોરીને રોકવા તંત્રના ટાંટીયા ધ્રુજે છે?

મહેન્દ્રગઢ ગામ પાસે થતી બેફામ ખનીજચોરીને રોકવા સ્થાનિક પોલીસ ખાણખનીજ વિભાગના ખનીજચોરો ઉપર ચાર ચાર હાથ હોવાની ચર્ચા

મોરબી માળીયા અને હળવદ સહીત સમ્રગ જિલ્લામાં ખનીજચોરીનો મુદો ટોક ઓફ ધ ટાઉન બની ગયો છે અને જ્યાં જોવા ત્યા ખનીજચોરીની ફરીયાદો ઉઠી રહી છે જોકે વર્ષોથી ભ્રષ્ટાચાર સાથે ચાર ફેરા ફરી ગયેલા અને હપ્તાઓ ખાય ખાયને જિલ્લાને ખનીજચોરીનુ એપી સેન્ટર બનાવવામાં મોરબી જિલ્લામાં પેધી ગયેલા અનેક ભ્રષ્ટ સરકારી બાબુઓનો ખનીજચોરો ઉપર ચાર-ચાર હાથ હોવાનુ ચર્ચાઈ રહ્યું છે ખેર આતો મોરબીનો જુનો ઐતિહાસિક પ્રશ્ન છે જેને મોરબી જિલ્લામાં આવેલા કોઈ કલેક્ટર ઉકેલી નથી શક્યા તો હાલમાં રહેલા મોરબી જિલ્લાના ઉચ્ચ અધિકારીઓના ગજા બહારની વાત છે છતાય હપ્તાઓના સેટીંગ માટે અમુક ખહુરિયા બિલાડાઓ હપ્તાની ગુલાબી નોટોમાં પોતાની છાપ ઉભી કરવા સીનસપાટા કરી એક બે ડમ્પરો પકડી પેપરોમાં હીરો બનતા હોય છે પરંતુ ખરેખર ખનીજચોરીને ડામવા આજદીન સુધી મોરબીને કોઈ કડક છાપ અધિકારી મળ્યો ન હોય તેમ જિલ્લામાં ચોતરફ મોટાપાયે ખનીજચોરી થઈ રહી છે જેને ડામવા ઈમાનદાર બાહોશ નિડર કડકછાપ અધિકારીની તાતી જરૂરિયાત છે ત્યારે માળીયા તાલુકાના મહેન્દ્રગઢ ફગશીયા  ગામની નજીકથી પસાર થતી મચ્છુ નદીમાં મોટાપાયે થતી ખનીજચોરીનો વીડીયો વાયરલ થયો છે જેમા સ્થાનિક જાગૃત નાગરિકે નદીમાં ખનીજચોરી કરતા હિટાચી અને ડમ્પર ચાલક પાસે જવાબ માંગતા ચુપકીદી સેવી રફુચક્કર બન્યા હતા જેમની પાસે પાસ પરમીટ કે લાઈસન્સ ન હોવાનુ જણાવતા હપ્તાઓની માયાજાળમાં ફસાયેલા તંત્રની મહેરબાની હોવાનુ જ સાબિત થઈ રહ્યુ છે જોકે આ બાબતે મહેન્દ્રગઢ ફગશિયાના ગ્રામજનોએ અનેક વખત રજુઆતો કરી હોવા છતા ધ્યાને ન લેતા હોવાની રાવ ઉઠી છે જેથી માળીયા સહીત મોરબી જિલ્લામાં ખનીજચોરીના રાજાની સેનામાં કોણ કોણ સામેલ છે તેનો પર્દાફાશ સ્ટેટ વિજીલન્સ જેવી ટીમો ત્રાટકે તોજ થાય તેમ છે કેમ કે મહેન્દ્રગઢ ફગશીયા સહીત મોરબી જિલ્લામાં અનેક જગ્યાએ ધમધમતી ખનીજચોરીને રોકવા સ્થાનીક તંત્રના ટાંટીયા ધ્રુજતા હોય તેવો ઘાટ જોવા મળી રહ્યો છે અને જિલ્લામાં થતી ખનીજચોરીને ડામવા તંત્રને ક્યો ગ્રહ નડે છે તે ચર્ચાનો વિષય બન્યો છે. રિપોર્ટ : રજાક બુખારી – ગોપાલ ઠાકોર

Leave a Reply

Your email address will not be published.

error: