કોરોનાકાળમાં પત્નીએ પતિને ૭૦% લીવર ડોનેટ કરી .નવું નવજીવન આપી કળયુગમાં સત્યવાન-સાવિત્રીની યાદ અપાવી

કોરોના કાળમાં સગા વ્હાલાઓએ એકબીજાના હાથ છોડાવ્યા હોય તેવા અનેક કિસ્સા જોવા મળ્યા છે. જો કે તેની સામે સમાજમાં એક ઉત્તમ દ્રષ્ટાંત રજૂ કરે તેવો કેસ જોવા મળ્યો છે. પતિનું લીવર ફેઈલ થતા પત્નીએ એક પણ સેકન્ડ વ્યય કર્યા વિના પોતાનું મેડિકલ ચેકઅપ કરાવ્યું અને તેમાં લીવર મેચ થતા પતિને લીવરનો ૭૦ ટકા ભાગ આપીને તેમનેજીવનદાન આપી કળિયુગમાં સાવિત્રી સમાન બન્યા છે.લગ્નબાદ વર્ષો જતા પ્રેમ નામશેષ થઈ જવાના અનેક કિસ્સાઓ વચ્ચે અડાજણનાં ફોરમ અને શિરેન અંજીરવાલાનો પ્રેમ આજના યુવાનો માટે એક પ્રેરણા રૂપ બન્યો છે. વર્ષ ૨૦૦૫માં ફોરમની મુલાકાત શિરીન સાથે ફોરમ અંજીરવાલાની બેને કરાવી હતી અને વર્ષ ૨૦૦૭ માં કોર્ટમાં લગ્ન કર્યા હતા. લગ્ન પહેલા પતિ શિરેનને દિલ આપનાર પત્ની ફોરમે લગ્ન બાદ પતિને ૭૦ ટકા લીવર ડોનેટ કર્યું છે. શિરેન આઇટી ક્ષેત્ર સાથે જોડાયલ છે, જ્યારે ફોરમ ઈન્સ્યુરન્સ ક્ષેત્રમાં કાર્યરત છે. વર્ષ ૨૦૨૦ માં શિરેનની તબિયત લથડી હતી અને ડોકટરી તપાસમાં શિરીનને લીવર સીરોસીસ નામની જીવલેણ બીમારી હોવાનું સામે આવ્યું હતું. ડોક્ટરે જણાવ્યું હતું કે લિવર ટ્રાન્સપ્લાન્ટ કરવું પડશે અને કોરોનામાં ઈન્ફેક્શન વધવાની શક્યતાઓ પણ હતી. જેથી પરિવારે લીવર મેળવવા માટે રજિસ્ટ્રેશન પણ કરાવ્યું હતું પરંતુ ખૂબ જ લાંબુ વેઇટિંગ ચાલી રહ્યું હતુંઆ અંગે ફોરેમબેને કહ્યું કે, ડોક્ટરે સલાહ આપી હતી કે લાઈવ ડોનર પણ શિરેનને લીવર ડોનેટ કરી શકે છે. આ માટે મેં મારી  મેડિકલ પ્રક્રિયા શરૂ કરી હતી. મેડિકલ તપાસમાં મારું લીવર શિરેનમાં મેચ થઈ જતાં મારી ખુશીનો કોઈ પાર નહોતો. મારામાં વિશ્વાસ આવી ગયો કે હવે મારો શિરેન બચી જશે. મુંબઈની હોસ્પિટલમાં સારવાર ચાલી હતી. ૧૫ દિવસ સુધી શિરેન અને ૭ દિવસ હું હોસ્પિટલાઈઝ હતી. મને આનંદ છે કે, હું જેને સૌથી વધુ પ્રેમ કરું છું તેના માટે હું કઈ પણ કરી શકું છું મારા માટે શિરેનને પ્રેમની એકનાનકડીભેટછે.શિરેનભાઈએ કહ્યું કે, મારી પત્નીએ મારો જીવ બચાવ્યો છે, જે માટે હું તેનો આભારી છું. એક તરફ મારી તબિયત અને બીજી તરફ ખર્ચને લઇ મારી પત્ની ચિંતિત હતી. રીપોટર સુનિલ ગાંજાવાલા – સુરત

Leave a Reply

Your email address will not be published.

error: