યુવા સેના ટ્રસ્ટ– રાજકોટ દ્વારા વિશ્વ મહિલા દિવસ નિમિતે સંસ્થા દ્વારા

સર્વ પ્રથમ વખત અનોખી રીતે ઉજવણી કરવામાં આવી.

ઉજવણીમાં સાસુ—વહુનું સન્માન, ગુજરાતી સાડી પરિધાન સ્પર્ધા,

વાનગી સ્પર્ધા અને આયુર્વેદિક વિચાર ગોષ્ઠીનું આયોજન કરવામાં આવેલ.

વિશ્વ મહિલા દિવસ નિમિતે રાજકોટ શહેરના વિવિધ મહેમાનો અને બહેનોની બહોળી સંખ્યામાં હાજરી દ્વારા કાર્યક્રમ સંપન્ન થયો.

યુવા સેના ટ્રસ્ટ રાજકોટ દ્વારા છેલ્લા ૧૦વર્ષથી માનવ સેવા એ જ પ્રભુ સેવા સુત્રને સાર્થક કરી રહી છે. જેમાં સંસ્થા દ્વારા કંઈને કંઈ નવીન પ્રવૃતિ કરવામાં આવે છે. જેમાં આ વખતે યુવા સેના ટ્રસ્ટની પાંખ લેડીઝ યુવા સેના દ્વારા વિશ્વ મહિલા દિવસની અનોખી ઉજવણી મેરીગોલ્ડ હાઈટસ (રેલનગર) ખાતે અનોખી ઉજવણી કરવામાં આવી. જેમાં સંયુકત કુટુંબમાં રહેતા ૩૦થી વધુ સાસુ-વહનું સન્માન કરવામાં આવ્યું. તેમજ બહોળી સંખ્યામાં બહેનો ગુજરાતી સાડી પહેરીને આવેલા તેમાં દરેક બહેનોને પ્રોત્સાહિત ઈનામ પ્રથમ, દ્વિતિય તથા તૃતિય નંબર આપી સન્માન કરવામાં આવ્યું. જેમાં આયુર્વેદિક વિચાર ગોષ્ઠી દ્વારા રાજકોટના જાણીતા ડો. મનીષાબેન પંડયા (એમ.ડી. આયુર્વેદિક) તથા ડો. ઉર્મીબેન પંડયા (એમ.ડી. આયુર્વેદિક) દ્વારા ઉપસ્થિત બહોળી સંખ્યામાં બેઠેલા મહિલાઓને આયુર્વેદિક ગોષ્ઠી દ્વારા દરેકને મગ્નમુગ્ધ કરી દીધા હતા. તેમજ હર્ષભેર બહેનોએ વાનગી સ્પર્ધામાં ભાગ લીધો હતો. જેમાં દરેકને પ્રોત્સાહિત ઈનામ પ્રથમ, દ્વિતિય, તૃતિય નંબર આપવામાં આવેલ. જેમાં રાજકોટના જાણિતા કરાટે કોચિંગ કરાવતા રોબિન કાસુન્દ્રા સાહેબ દ્વારા બહેનોને સ્વ બચાવ કેમ કરવો તેના માટે વિવિધ પ્રયોગો દ્વારા બહેનોને રક્ષણ મળી રહે તે તાલીમ આપેલી. તેમજ તાજેતરમાં સુરતમાં બનેલી ઘટનાને કરાટે દ્વારા સ્વ બચાવ કેમ કરી શકાય તેની પણ ખાસ તાલીમ આપી હતી. તેમજ દિલાબા દ્વારા બહેનોને યોગ વિષે માર્ગદર્શન આપવામાં આવ્યું તેમજ યોગથી થતા ફાયદાઓ જણાવવામાં આવ્યા. તે ઉપરાંત બહેનોને પ્રોત્સાહિત કર્યા. તેમજ બાલભવનના જાણિતા ટેબલ ટેનીસ કોચ દિપાલીબેન પંડયાએ હાજરી આપી તથા બાળકોને સ્પોર્ટસનું મહત્વ સમજાવ્યું તથા બાળકોને ઘર આંગણે કોચિંગ દેવા માટેની પહેલ કરી. તેમજ આ કાર્યક્રમમાં વોર્ડ નં. ૩ ના કોર્પોરેટરશ્રીઓ અલ્પાબેન દવે તથા કુસુમબેન ટેકવાણી પણ ઉપસ્થિત રહયા હતા. તેમજ બજરંગદાસબાપુ ચેરીટેબલ ટ્રસ્ટ ગૌશાળા ના ટ્રસ્ટીઓ, જનકભાઈ, અજયભાઈ, જયેશભાઈ, મીનાબેન તૃપ્તિબેન, શીતલબેન વગેરે ઉપસ્થિત રહેલા હતા. તે ઉપરાંત મુંબઈથી આવેલ સંધ્યાબેન અજમેરાએ પણ હાજરી આપેલ.

તેમજ સંસ્થાના પ્રમુખશ્રી પ્રદયુમનસિંહ ઝાલાના બંન્ને પુત્રો અજયસિંહ તથા વિજયસિંહના તાજેતરમાં લગ્ન થયેલા તેમના બન્ને પુત્રવધુ રિધ્ધિબા તેમજ સિધ્ધબા તથા તેમના ભત્રીજાવહુ ગાયત્રીબા દ્વારા તમામ બહેનોને તેમના હસ્તે સ્પર્ધકોને ઈનામ વિતરણ કરવામાં આવ્યા. તેમજ સાથે પ્રમુખશ્રીના ધર્મપત્નિજાગૃતિબા ઝાલા ઉપસ્થિત રહયા હતા.

ઉપરોકત સમગ્ર કાર્યક્રમનું સંચાલન તેમજ કાર્યક્રમને સફળ બનાવવા યુવા સેનાના સ્ટાફ સોનલબેન વાછાણીએ ખુબજ જહેમત ઉઠાવેલી હતી. તેમજ મેરીગોલ્ડ હાઈટસના તમામ બહેનોએ તેમજ મેરીગોલ્ડ હાઈટસ ફલેટ કો.ઓપ. સર્વિસ સોસાયટી લી. ના તમામ સભ્યોએ ઉત્સાહભેર ભાગ લઈ કાર્યક્રમમાં હાજરી આપી અને સમગ્ર કાર્યક્રમને સફળ બનાવ્યો હતો. આ તકે યુવા સેના ટ્રસ્ટના પ્રમુખશ્રી પ્રદયુમનસિંહ ઝાલાએ ઉપસ્થિત તમામ બહેનોનું તેમજ મહેમાનોનું અને મેરીગોલ્ડ હાઈટસના સહિત
ઉપસ્થિત રહેલા મહેમાનો મહાનુભવો અતિથિ વિશેષ કાર્યક્રમમાં હાજરી આપનાર તમામ નું આવકાર ભેર સલમાન સાથે સંસ્થા દ્વારા આભાર વ્યકત કરવામાં આવ્યું હતું એમ એક અખબારી યાદીમાં સંસ્થાના પ્રમુખ પદયુમન સિંહ ઝાલા એ જણાવ્યું હતું

Leave a Reply

Your email address will not be published. Required fields are marked *

error: